پێشوازی لەتیرۆرستێکی بەعسی خوێنڕێژ بەناوی حکومەت و پەرلەمانەوە خیانەتە

لڤین: سۆران عومەر، ڕایدەگەیەنێت، پێشوازیکردن لەتیرۆرستێکی بەعسی سوری خوێنڕێژ، بەناوی حکومەت و پەرلەمانی کوردستانەوە خیانەتی نیشتمانیە، دەشڵێت: بەکارهێنانی یەکێتی و گۆڕان لەو حکومەتەی کە ئاوا بەکاردەھێنرێن جێی پرسیارو گومانی گەورەیە.

سەبارەت بە سەردانەکەی نەسر حەریری، و شاندەکەی یاوەری بۆ هەولێر و پێشوازیکردنی لە لایەن مەسعود بارزانی و بەناوی حکومەت و پەرلەمانەوە، سۆران عومەر، لە فەیسبوکی خۆی نوسینێکی بڵآو کردەوە و دەڵێت: پێشوازیکردن لە “نەسر حەریری” شەبیحە و بەعسیی سوری کە دەستی لە تیرۆرکردنی دەیان چالاکوان و سیاسی کورد لەڕۆژئاوا ھەیە، خیانەتی نیشتمانیە لە کوردانی ڕۆژئاوا، لەباربردنی ھەوڵەکانی پێشوی مەزڵوم کۆبانیە بۆ پێکەوە ژیان لەڕۆژئاوا، چوونە بەرەی دژی گەلی کورد و نەتەوەکانی دیکەی رۆژئاوایە.

دەقی نوسینەکەی سۆران عومەر ئەمەیە:

بەناوی حکومەت و پەرلەمانەوە پێشوازی لەتیرۆرستێکی بەعسی سوری خوێنڕێژی کورد دەکەن!

لەلایەن مەسعود بارزانی و بەناوی حکومەت و پەرلەمانەوە پێشوازی و کۆبونەوە لەگەڵ “نەسر حەریری” شەبیحە و بەعسیەکی سوری کە دەستی لە تیرۆرکردنی دەیان چالاکوان و سیاسی کورد لەڕۆژئاوا ھەیە، خیانەتی نیشتمانیە لە کوردانی ڕۆژئاوا، لەباربردنی ھەوڵەکانی پێشوی مەزڵوم کۆبانیە بۆ پێکەوە ژیان لەڕۆژئاوا، چوونە بەرەی دژی گەلی کورد و نەتەوەکانی دیکەی رۆژئاوایە.

نەسر حەریری ئەنجامدەری تاوانەکانی عەفرین و سەری کانیە دژ بە گەلی کورد و گەلانی دیکەی ئەو ناوچەیە، ئەوکەسەیە کەدژی ھەبونی زمانی کوردییە لە دەستوری نوێی سوریا!

ناڕەزایەتی بەرفراوان لەڕۆژئاوا دروست بووە بەرامبەر سەردان و پێشوازی بەناوی ھەرێمی کوردستانەوە لەوەھا کەسێک کە دەستی سورە بەخوێنی گەلی کورد لەڕۆژئاوا.

یەکێتی و گۆڕان لەو حکومەتەی کە ئاوا بەکاردەھێنرێ بۆ پێشوازی کۆبونەوەی ھاوکاری نەسر حەریری جێی پرسیارو گومانی گەورەیە کە بەئاگان لەمانە؟ یان بێ ئاگان؟! لەھەردوو بارەکەدا عەیبەو عەیبدارییە بۆیان!