گەورە تیرۆریست نەسر حەریری لە هەوڵیر چی دەکات؟

وەرگیراوە لە فەیسبووکی رەفیق سابیر
گەورەتیرۆریستی ئیسلامی، نەسر حەریری، بە سەردانێکی لەناکاو هاتە هەولێر، وەک قارەمان و رابەری سوریا، لە لایەن سەرۆکی پارتی و بەرپرسانی حکومەت پێشوازیی کرا و رێگەی درا بچێتە پەرلەمانی کوردستان لەبەردەم مێدیاکاندا داگیرکردنی ئافرین و سەرێکانی و گردی سپی و ئاوەرەکردنی دەیان هەزار خیزان و کوشتن و رفاندنی هەزاران کەسی ئەو ناوچانە، بە رزگارکردن ناو ببات و یەپەدە و کورد بە تیرۆریست دابنێت.
نەسر حەریری رابەری ئەو گروپە تیرۆرستانەیە کە لە جیینۆسایدی گەلی کوردی رۆژئاوای کوردستان و داگیرکردن و ئاوارەکردنی سەدان هەزار خێزانی کوردی ئافرین و سەری کانی و گرادا سپی و بەعەرەبکردنی ئەو شار و ناوچانەی رۆژئاوای کوردستان بەرپرسە. تیرۆریستانی سەر بە حەریری سەد لەسەد لە رۆژئاوای کورستان پلانی تورکیا، کە راگوێزانی کورد بەعەرەبکردن و بەتورککردنی رۆژئاوای کوردستانە، جێ بەجێ دەکات. وێرای ئەوە نەسر ئەلحەریری هەزاران تیرۆریستی داعشی داڵدە داوە، هیچ سوکایەتی و تەوهینێک نەماوە، لە میدیاکاندا، بە کوردی نەکردبێت و زۆر بە توندییش رێگری کردووە کە زمانی کوردی لە پرۆژەدەستووری نوێی تورکیادا بە رەسمی بناسرێت.
ئێستا خەڵکی کوردستان، مافی ئەوەیان هەیە لە خانەخوێیانی نەسر حەریری بپرسن ئەو گەورەجەللادەی کورد، بۆ هاتۆتە هەولێر؟ ئایا ئێوە چ بەرژەوەندییەکی هاوبەشتان لەگەڵ ئەم گەرە ترۆریستە هەیە؟
کوردی رۆژئاوا پێیان وایە حەریری بۆ ئەوە چۆتە هەولێر تا ئەو دەستانەی بە خوێنی کوردی رۆژئاوا سووری کردوون، لەوێ بیانشواتەوە و بە دنیا بڵێت من دوژمنی کورد نیم و لە کوشتار و راگوێزانی کوردی رۆژئاوا و دەستدرێژکردنە سەر سەدان کچ و ژنی رفێندراوی رۆژئاوای کوردستان، بەرپرس نیم. ئەوە نییە لە هەولێرم و بەرپرسانی حکومەت، وەک قارەمان و رابەری گەلی سوریا پێشوازیم دەکەن؟!
بەشێک لە چاودێرانیش بۆ ئەوە دەچن کە سەردانی نەسر حەریری بۆ هەولێر بەو ئامانجەیە ئامادەکاری بۆ جێبەجێکردنی پلانێکی ئەردوگان بکات، کە دەیەوێت ناوچەیەکی ئارام، بە قووڵایی سیی تا چل کیلۆمیتر، لە هەرێمی کوردستان دروست بکات، بۆ ئەوەی تیرۆریستانی ئیسلامی و بنەماڵەکانیان لەو ناوچانە نیشتەجێ بکەن و باشوور و باکووری کوردستان لێک داببرن. لەم بۆچوونەشدا پشت بەو لێدوانەی سەرۆکی حکومەتی هەرێم دەبەستن، کە چەند رۆژێک پێش هاتنی حەریری وتی پە کە کە بەهانەی داوەتە تورکیا لە هەرێمی کوردستان ناوچەیەکی ئارام دروست بکات)
ئەم پێشوازیکردن و رێزگرتنەی نەسر حەریری لە باشووری کوردستان، تەنیا سوکایەتیی نییە بە گەلی رۆژئاوا و خوێنی دەیان هەزار قوربانیانی تیرۆریستانی نئیسلامی، بەڵکو سوکایەتیکردنە بەخۆ و بە حکومەتی هەرێم و پەرلەمان و تەواوی گەلی کوردستان.


Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4

Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6

Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7

Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22

Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21

بابەتی پەیوەندیدار

زیاتر بخوێنەوە
Close
Back to top button