دوای دوو ڕۆژ لە داخستنی عەلوەی سلێمانی كرایەوە
لڤین: دوای دوو ڕۆژ لەداخستنی پاش نیوەڕۆی ئەمڕۆ عەلوەی سلێمانی کرایەوە.
کاسبکارانی عەلوەی سلێمانی ڕایانگەیاند لەسەر داوای قائیمقامیەتی سلێمانی ئەم دوای نیوەڕۆیە عەلوەكەیان کردوەتەوە و لەئێستادا دوكانەكانی عەلوە كراونەتەوە و كاسبكاران دەستیان بەكاركردن لە عەلوەكە كردوەتەوە.
لە دوێنێوە دوکانداران و کاسبکارانی عەلوەی سلێمانی، بەهۆی بوونی هەڕەشە لەسەر بەشێک لە شۆفێرانی عەلوەکە وەک ناڕەزایی بڕیاریاندا عەلوەکە دابخەن.
