مستەفا كازمی پەیوست بە نرخی دۆلارەوە پەیامێکی بڵاوکردەوە
لڤین:
مستەفا کازمی، سەرۆك وەزیرانی پێشووی عێراق، بەپێویستی دەزانێت رێگری لە بەقاچاخبردنی دۆلار بۆ دەرەوەی عێراق بکرێت و سنورێکیش بۆ خراپی دۆخی دراو دابنرێت.
مستەفا کازمی، سەرۆک وەزیرانی پێشوی عێراق لە تویتەر رایگەیاند؛ پێویستە هەماهەنگی لەنێوان کەرتی گشتی و دامەزراوەکانی دەوڵەتی و کەرتی تایبەتدا هەبێت، هەروەها وتارە پۆپۆلیستییەکان رەتدەکەینەوە کە هیچ زانیاری ورد و راستی تێدانیە و بوەتە هۆی قوڵکردنەوەی قەیرانەکان.
کازمی دەڵێت: پێویستە رێگریی لە بەقاچاخبردنی دراوی قورس و دۆلار بکرێت بۆ دەرەوە و هەروەها سنوورێک بۆ دۆخی خراپی دراو دابندرێت.
داواش دەکات حکومەتی ئێستا بەردەوام بێت لە کارەکانی و بەرپرسیارێتی خۆی بەسەر دامەزراوە گرنگەکاندا جێبەجێ بکات.