وتەبێژی هێزەکانی سوریای دیموکراتیک: مەترسی هێرشی داعش هەیە بۆ سەر زیندانی ڕەقە
لڤین:
بەرپرسانی سەربازی ڕۆژئاوای کوردستان ڕایگەیاند؛” هێزەکانی داعش لە هەوڵدان هێرش بکەنە سەر زیندانی شاری ڕەقە.
فەرهاد شامی وتەبێژی هێزەکانی سوریای دیموکراتیک بە بە میدیای فەڕەنسای وت: حاڵەتی ئامادەباشی و باری نائاسایی بەهۆی مەترسی هێرشی داعش ڕاگەیێندراوە و هێزە ئەمنییەکان خەریکی پاککردنەوەی ناوچەکەن.
ناوبراو وتیشی: ئێمە هەندێک هەواڵمان لە سەر ئەگەری هێرشی داعش لە ڕۆژانی پشووی کۆتایی ساڵی زایینی لە شارەکانی ڕەقە، حەسەکە و قامیشلۆ پێگەیشتووە.
ئەو فەرماندە کوردە بە ئاماژە بە هەوڵی داعش بۆ هێرش کردنە سەر زیندانی ڕەقە وتی: ڕێبەری نوێی داعش بە ئەو هێرشانە دەیەویست بوونی ئەو گرووپە لە ناوچەکە بسەلمێنێت.
