لە ڕۆژئاوای کوردستان ٣ تیرۆریستی داعش دەستگیر کران
لڤین:
ناوەندی راگەیاندنی هێزەکانی سوریای دیموکراتیک (قەسەدە) رایگەیاند، کە لە دێرەزور ٣ چەکداری داعش دەستگیرکراون.
لە راگەیەندراوەکەدا هاتووە:
” لە چوارچێوەی ئەرک و خەباتی هێزەکانمان بۆ بەرەنگاربوونەوەی تیرۆریستەکانی داعشدا، یەکینەکانی دژە تیرۆر (هات) بە هاوکاری هێزەکانی هاوپەیمانی نێونەتەوەیی لە ٢١ی کانونی یەکەمدا لە شارۆچکەی دەشیشی دێرەزور ئۆپراسیۆنێکیان ئەنجامدا.
لە ئۆپراسیۆنەکەدا ٣ تیرۆریستی داعش دەستگیرکران. ئەو چەتانە هەوڵیان دەدا بنەماڵەکانی داعش لە کەمپی هۆل ببەنە دەرەوە و چەکیان رەوانەی کەمپەکە دەکرد.
هێزەکانمان بڕێکی زۆر چەک و کەلوپەلی سەربازیان دەست بەسەرداگرت. لەو ئۆپراسیۆنەدا ٢ کڵاشینکۆف، چەکێکی بڕنۆ، نارنجۆکێک،دەمانچەیەک، ٢ رەختی سەربازی، ٥ تەلەفون و بڕێکی زۆر تەقەمەنی دەستیان بەسەردا گیرا”.
