هاوپەیمانی نێودەوڵەتی لە بارەی هێرشە موششەکیەکەوە ڕاگەیەنراوێكی بڵاوكردەوە

لڤین: هاوپەیمانی نێودەوڵەتی لە بارەی هێرشە موششەکیەکەی ئەمڕۆ بۆ سەر بنکەی سەربازیی عین ئەسەد ڕاگەیەنراوێكی بڵاوكردەوە.

واین مارتۆ، وتەبێژی هاوپەیمانی نێودەوڵەتی بۆ شەڕی دژی داعش، لە ڕاگەیەندراوێکدا لەبارەی هێرشە مووشەكییەكەی ئەمڕۆی سەر بنکەی سەربازی عەین ئەسەد لە ئەنبار، وتی: لەكاتژمێر 7:20 خولەكی ئەمڕۆ چوار شەممە 10 مووشەك ئاڕاستەی سەربازگەی عەین ئەسەد كراون.

ئاشکرایکرد، کە “هێزێكی تایبەتی عێراقی لە هەوڵدان بۆ لێكۆڵینەوە و مامەڵەكردن لەگەڵ ئەو ڕووداوە، بەڵیشیانداوە زانیاری زیاتر لەوبارەوە ئاشكرابكەن”.

وتەبێژی هاوپەیمانی نێودەوڵەتی هیچ زانیارییەكی لەسەر زیانەكانی هێرشە موشەكیەكە و سەرچاوەی ئەو موشەكانە ئاشکرا نەکردووە.

بنکەی سەربازی عەین، دەکەوێتە سنوری پارێزگا ئەنبار و سەربازانی ئەمریکای لێیە و لە کۆتایی مانگی ڕابردوو هێرشی موشەکی کرایەسەر ئەوەش دوای ئەوەی ناوەڕاستی مانگی ڕابردووش هێزەکانی ئەمریکا لە هەولێر کرانە ئامنج و لە وەڵامی ئەو هێرشانەشدا رۆژی پێنج شەممەی ڕابردوو، ئەمریکا هێرشێکی ئاسمانی لە سەر سنوری عێراق – سوریا لە دژی گروپەکانی سەر بە ئێران ئەنجامدا.

بابەتی پەیوەندیدار

Back to top button