خۆپیشاندانی خوێندکارانی زانکۆ دەستپێدەکاتەوە

لڤین:

ئەنجوومەنی ناڕازی زانكۆی سلێمانی ڕایدەگەیەنێت” هەڕەشەكانی ئەنجوومەنی زانكۆ ساردمان ناكاتەوە و دەست لە نێو دەست بەردەوام دەبین”.

ئەنجوومەنی خوێندكارانی ناڕازی زانکۆی سلێمانی لە ڕاگەیەندراوێکدا ئاماژە بەوە دەکەن” سبەینێ یەکشەممە سەرجەم خوێندكارانی زانكۆ و پەیمانگاكانی كوردستان بە گڕوتینێكی بەهێزترەوە دەڕژێینەوە سەر شەقامەكان بۆ بەدەستهێنانی مافە ڕەواكانی خۆمان”.

دەقی ڕاگەیەندراوەكە:

بۆ سەرجەم خوێندكارانی زانكۆ و پەیمانگاكانی كوردستان.
بابەت: خۆپیشاندان

ڕۆژی یەكشەممە كاتژمێر ٨ی سەر لەبەیانی

سەرجەم خوێندكارانی زانكۆ و پەیمانگاكانی كوردستان بە گڕوتینێكی بەهێزترەوە دەڕژێینەوە سەر شەقامەكان بۆ بەدەستهێنانی مافە ڕەواكانی خۆمان.

داواكاریەكان:

١. بنەبڕكردنی دەستی حیزب لەنێو زانكۆ و پەیمانگاكاندا.
٢. ڕیفۆرمێك لە پڕۆسەی خوێندن و گۆڕینی بنچینەیی مەنهەج كە تەنیا بۆتە ڕۆتینێكی ڕۆژانە.
٣. لابردن و كەمكردنەوەی كرێی پاراڵێڵ.
٤. بە یاسایكردن و زیادكردنی دەرماڵە.
٥. دەستپێكردنەوە بە دامەزراندن و ڕەخساندنی هەلی كار بۆ دەرچووانی ساڵانی پێشوو.

ئێمە دەستی هاوكاری بۆ سەرجەم چین و توێژە جیاوازەكان (مامۆستایان، فەرمانبەران، دەرچووانی دانەمەزراو، كرێكار و كاسبكارانی بە شەرەف) درێژدەكەین كە شانبەشانی خوێندكاران و بە بەیاننامە و داواكاری جیاوازی خۆیانەوە بڕژێنە سەر شەقامەكان دەست لەنێو دەست كۆتایی بەم سیستەمە گەندەڵە بهێنین.

ئەنجومەنی خوێندكارانی ناڕازی

بابەتی پەیوەندیدار

زیاتر بخوێنەوە
Close
Back to top button