لەماوەی هەشت مانگدا نزیكەی دوو ملیۆن گەشتیار سەردانی سنوری پارێزگای هەولێریان کردوە
لڤین:
لە ھەشت مانگی ئەمساڵدا زیاتر لە ملیۆنێك و 810 ھەزار گەشتیار سەردانی شاری هەولێر و دەوروبەرییان كردووە، لەو ژمارەیەش زیاتر لە 383 هەزاریان بیانین.
وەزارەتی شارەوانی و گەشتوگوزاری هەرێم لە ڕاگەیانراوێكدا بڵاویكردەوە، ژمارەی گەشتیارانی ناوخۆ و پارێزگەكانی عێراق و وڵاتانی بیانی بۆ هەرێمی كوردستان زیادی كردووە و لە ماوەی تەنیا ھەشت مانگدا یەک ملیۆن و 810 هەزار و 362 گەشتیار سەردانی شاری هەولێر و دەوروبەرییان كردووە و لەو ژمارەیەش زیاتر 383 هەزار گەشتیاریان بیانین.
وەزارەتی شارەوانی و گەشتوگوزار ئاماژەی بەوەش داوە، بە بەراورد بە ساڵانی پێشوو بە ڕێژەیەكی بەرچاو ژمارەی گەشتیاران بەرزبووەتەوە و لە بەرزبوونەوەی بەردەوامدایە.