ڕێكخراوی سی پی تی: توركیا بۆردوومانەكەی ڕانیەی ئەنجامداوە
لڤین:
تیمی كوردستان عێراقی سی پی تی ڕایگەیاند، لە بۆردوومانەكەی نیوەڕۆی ئەمڕۆی ڕانیە كە توركیا ئەنجامی داوە، هاوڵاتییەك بە سەختی بریندارە و برینداری تریش هەیە.
نیوەڕی ئەمڕۆ، ئۆتۆمبێلێكی لاندكرۆزەر لە نێوان چوارقوڕنە و ڕانیە بە فڕۆكەی بێفڕۆكەوان كرایە ئامانج.
لەسەر ئەو ڕووداوە تیمی كوردستان عێراقی سی پی تی بڵاویكردەوە، لە بۆردوومانەكەی توركیادا بۆسەر ئۆتۆمبێلێکیی جۆری لاندكروزەر لەسەر ڕێگای نێوان چوارقوڕنە-ڕانیە، پیاوێكی تەمەن ٥٢ ساڵ بەسەختی برینداربووە .
سی پی تی ئەوەشی خستووەتەڕوو، بەگوێرەی قسەی شایەتحاڵەكان، لەو بۆردومانەدا بریندارێكی تریش لە ئۆتۆمبێلەكەدا ھەبووە بەڵام لە ئێستادا نادیارە.
لەبارەی ناسنامەی قوربانییەكانەوە ئاماژەی بەوەكردووە، ناو و ناسنامەی قوربانییەكان تا ئێستا بەتەواوی ئاشكرا نەكراون.
وێنەی ئوتومبێلە بۆردومانکراوەکە
