نرخی نەوت و زێڕ بزانە
لڤین:
نرخی بەرمیلێك نەوتی برێنت كەمێك بەرزبوونەوەی بەخۆوە بینی و بە 107 دۆلار و دوو سەنت مامەڵەی پێوە كرا.
ئاژانسەكانی هەواڵی جیهان بڵاویانكردەوە بەرەبەیانی ئەمڕۆ پێنجشەممە هەر بەرمیلێك نەوتی برێنت بە 107 دۆلار و دوو سەنت مامەڵەی پێوەكرا، هەروەها نرخی نەوتی سووكی تەكساسی ئەمریكاش 52 سەنت بەرزبووەوە و بە 97 دۆلار و 78 سەنت مامەڵەی پێوەكرا.
هەروەها ئەمڕۆ ٢٨ی تەموزی ٢٠٢٢ نرخی زێڕ لە بازاڕەكانی هەرێم بەراورد بە دوێنێ دووبارە ڕووی لە بەرزبوونەوە كردووە.
نرخی زێڕ لە بازاڕەكانی هەرێم بەم شێوەیەیە:
– نرخی یەك مسقاڵ زێڕی عەیار ٢٤ بە (٤١٣) هەزار دینارە.
– نرخی یەك مسقاڵ زێڕی عەیار ٢١ بە (٣٦٢) هەزار دینارە.
– نرخی یەك مسقاڵ زێڕی عەیار ١٨ بە (٣١١) هەزار دینارە.