عەمار حەکیم: داوایەک ئاراستەی هێزە کوردیەکان دەکات
لڤین
سەرۆکی هاوپەیمانی هێزی دەوڵەتی نیشتیمانی لە وتاری نوێژی جەژنی قوربان لە کەربەلا وتارێکی پێشکەش کرد و داوای لە لایەنەکان کرد پەلە بکەن لە پێکهێنانی حکومەتدا.
عەمار حەکیم، سەرۆکی هاوپەیمانی هێزی دەوڵەتی نیشتیمانی رایگەیاند: پێویستە پەلە بکرێت لە پێکهێنانی حکومەتێکی خزمەتگوزاری نیشتیمانی کە بگونجێت لەگەڵ ئەو ئاڵەنگارییانەی بەرۆکی عێراقی گرتوە و لەوانەش ئاڵەنگاری ئابوری و ژینگە و کۆمەڵایەتی.
پێی وایە سەرجەم لایەنەکان بەشداری پێکهێنانی حکومەت ناکەن و بەشێك لە هێزەکان دەیانەوێت بەشدار و پاڵپشتی پێکهێنانی حکومەت بن و چەند هێزێکی دیکە وەکو چاودێر لە چوارچێوەی کەشی دیموکراسیدا چاودێر دەبن بەسەر حکومەتی داهاتوەوە.
دەشڵێت: پێویستە پێداچونە بە میکانیزمی ژماردن و ئەژمارکردنی ئەلیکترۆنی بکرێت و ئەو گاڵتەجاڕییە دوبارە نەکرێتەوە، دەرەنجامەکانی ئەو هەڵبژاردنە وڵاتی گەیاندە ئەم دۆخەی ئێستا.
راشیگەیاند: کشانەوەی فراکسیۆنی رەوتی سەدر لە پەرلەمان بە مانای ئەوە نایەت ئەوان لە مەشهەدی سیاسی دەکشێنەوە.
باسی لەوەشکردوە، بەهێزنەکردنی ئۆپۆزسیۆن و نەبونی دۆخی وڵات بەرەو ئاڵۆزی دەبات.
داواشی لە هێزە کوردییەکان کرد پۆستی سەرۆک کۆمار یەکلایی بکەنەوە.