کەشناسی هەرێم: پلەکانی گەرما بەرز دەبنەوە
لڤین:
بەڕێوەبەرایەتی کەشناسی هەرێم رایگەیاند، ئەمڕۆ ئاسمان ساماڵ دەبێت لە ناوچەکانی باکوری هەرێم لەگەڵ زیادبوونی خێرایی با لە پارێزگای سلێمانی و بوونی خۆڵبارینێکی سووک لە ناوچەکانی گەرمیان.
بەڕێوەبەرایەتی گشتی کەشناسی و بومەلەرزەزانی هەرێمی کوردستان راگەیەندراوێکی بڵاوکردووەتەوە و لەبارەی کەشوهەوای ٤٨ کاتژمێری داهاتووەوە باسی لەوەکردووە، لەناوچە جیاوازەکان خێرایی با لە نێوان ١٠ بۆ ٢٠ کیلۆمەتردا دەبێت و لە سنوری سلێمانی خێراییەکەی بەرزتریش دەبێت.
ئاماژەی بەوەشکردووە، پلەکانی گەرما نزیک دەبنەوە لەگەڵ تۆمارەکانی دوێنێ.
لەبارەی سبەی رۆژی پێنجشەمەشەوە باسی لەوەکردووە، بەگشتى ئاسمان ساماڵ دەبێت و خێراى با کاریگەری لەسەر لە سەر بەشێک لە ناوچەکانى سلێمانى و کەرکووک دەبێت.
دەشڵێت، پلەکانی گەرما لە سبەینێدا یەک بۆ دوو پلە بەرز دەبنەوە بەراورد بە رۆژەکانی رابردوو و خێرایی باش لە نێوان ١٠ بۆ ٢٠ کیلۆمەتردا دەبێت.