كەشناسی هەرێم: سبەی پلەكانی گەرما بەرزدەبنەوە
لڤین:
کەشناسی ھەرێمی کوردستان پێشبینی دەكات لە 48 سەعاتی داهاتودا ئاسمانی ھەرێم ساماڵ بێت و سبەینێ(یەکشەممە)ش پلەکانی گەرما بە ١ تا ٣ پلە بەرزببنەوە.
بەڕێوەبەرایەتی گشتی کەشناسی و بومەلەرزەزانی ھەرێمی کوردستان، لە راگەیەندراوێكدا وتی، ئەمڕۆ شەممە ئاسمانی ھەرێمی کوردستان ساماڵ و خێرایی با ١٠ بۆ ٢٠ کیلۆمەتر لە کاتژمێرێکدا و مەودای بینینش ٨ بۆ ١٠ کیلۆمەتر دەبێت.
ئاماژەی بەوەشداوە كە سبەینێ بە ھەمان شێوە ئاسمانی ھەرێم ساماڵ و پلەکانی گەرماش ١ تا ٣ پلە بەرزدەبنەوەو خێرایی با 10 بۆ 20 كیلۆمەتر لە كاتژمێرێكدا و مەودای بینینیش 8 بۆ 10 كیلۆمەتر دەبێت.
بەپێی راگەیەندراوەكەی كەشناسی هەرێم سبەینێ بەرزترین پلەکانی گەرمای پێشبینیکراو بەمجۆرە دەبن:
ھەولێر : ٤١
سلێمانی : ٣٩
دھۆک : ٤٠
کەرکوک : ٤٣
ھەڵەبجە : ٤٠
سۆران : ٣٦
راپەرین : ٣٨
گەرمیان : ٤٥