یەکەمین حاڵەتی تای خوێن بەربوون لە قەزای ئاکرێ تۆمارکرا
لڤین:
بەڕێوەبەرایەتی تەندروستی ئاکرێ ڕایگەیاند:” یەکەمین حاڵەتی توشبوون بە تای خوێن بەربوون لە سنوری قەزاکەیان تۆمارکراوە، دەشڵێت بەشێکی تایبەتیان کردۆتەوە بۆ حاڵەتی پێویست و تایبەت لە ئەگەری زیاتر بوونی نەخۆشیەکەدا.
دەقی ڕاگەیەندراکەەی تەندروستی ئاکرێ:
لە رێکەفتی ٦/٤ نەخۆشەکێ کو کچەکا(٢٢)سالی یە سەرەدانا دەزگەهێن ساخلەمیێ کریە ل ئاکرێ پشتی دیاربوونا چەند نیشانان ل دەف نەخۆشێ لەوا هاتە نڤاندن ل بەشەکێ تایبەت دناف نەخۆشخانا گۆلان دا ژبەرکو گومان ل سەرهەبوون کو توشی نەخۆشیا تایا خۆین بەربوونێ بیت.
دکتور جمعە زێباری تایبەتمەندێ نەخۆشیێن دل و هناڤا ل قەزا ئاکرێ دا دیارکرن کو ئەڤێ نەخۆشێ چەندین نیشان هەبوون پشتی کو مە نەخۆش نڤاندی دناڤ نەخۆشخانێ دا پشکنینێن پێدڤی یێن خوینێ بۆ کرن هەروەسا نمونە(Test) لێ هاتە وەرگرتن هاتە رەوانەکرن بۆ بەغدا،ئەنجامێ پشکنینێ دەرکەفت(Positive) ل ڤێرە بۆ مە دیاربوو کو ئەڤە ئێک ژ حالەتێن نەخۆشیا تایا خۆین بەربوونێ بوویە.
دکتور جمعە زێباری ل دور رەوشا وێ نەخۆشێ گۆت کو نوکە رەوشا وێ یا ساخلەمی جێگیرە پشتی هاتیە نڤاندن رەوشا وێ باشتر لێ هاتیە و بەلێ پێدڤی ب چاڤدێریێ یە و یا پێدڤی بیت دێ بۆ ئەنجامدەین.
دکتور صالح مصطفی رێڤەبەرێ ساخلەمیا ئاکرێ ژی دا دیارکرن کو مە بەرهەڤی کرینە بۆ هەر حالەتەکێ و مە جهەکێ تایبەت دناڤ نەخۆشخانێ دا ئامادەکریە بۆ وان حالەتێن کو مەترسی هەبیت سەر دەوروبەران و یا پێدڤیدێ دێ بۆ نەخۆشێ هێتەکرن.گۆت ژی مە لیژنەک رەوانەی ناڤ وی گوندی کریە دیاربوویە کو وی گوندی رێژا خودانکرنا ئاژەلی یا زورە و وێ مالێ بخۆ ژی ئاژەل یێ هەی و ژبەر زوریا ئاژەلی و هەبوونا کولان دناڤ گوندی دا(تیک+قرنیک)بەلافن دناڤ گوندی دا،لەوا مەترسیا تۆشبوونا حالەتا یا زورە،مە رێنمایێن خۆپارێزیێ داینە هاولاتیێن گوندی و مالباتا وان و داخازا مە ئەوە هەر هاولاتیەکێ نیشان ل دەف هەبن زورا پێدڤیە سەرەدانا دەزگەهێن ساخلەمیێ بکەت و داکو زویترین دەم بهێتە چارەسەرکرن.
راگەهاندنا ساخلەمیا ئاکرێ
