نێچیرڤان بارزانی سەردانی سلێمانی دەکات
لڤین:
بڕیارە سبەی یەکشەممە، سەرۆکی ھەرێمی کوردستان نێچیرڤان بارزانی سەردانی سلێمانی بکات و لەگەڵ لایەنە سیاسییەکان کۆبێتەوە.
بەپێی زانیارییەکانی “ئاژانسی ئانادۆڵ”ی تورکی، بڕیارە سبەی یەکشەممە، سەرۆکی ھەرێمی کوردستان نێچیرڤان بارزانی سەردانی پارێزگای سلێمانی بکات و بەجیا لەگەڵ ھەریەک لە یەکێتیی نیشتمانیی کوردستان، یەکگرتووی ئیسلامیی کوردستان، کۆمەڵی دادگەریی کوردستان و چەند لایەنکی دیکەی سیاسیی کۆبێتەوە و گفتوگۆ لەبارەی پرسە ھەڵپەسێردراوەکان بکەن.
جێی ئاماژەیە دوای ھەڵبژاردنەکانی عێراق، لەسەر پۆستی سەرکۆمار و دابەشکردنی پۆستەکان، ناکۆکی کەوتووەتە نێو لایەنە سیاسییەکانی ھەرێمی کوردستان و پێشبینی دەکرێت بە کۆبوونەوەی نێچیرڤان بارزانی لەگەڵ لایەنە سیاسییەکان، رەوتی ئەم ناکۆکییە بەرەو ئاساییبوونەوە بچت.
