وەزیری تەندروستی و جێگری سەرۆکی پەرلەمان کۆبوونەوە

لڤین: وەزیری تەندروستی و جێگری سەرۆکی پەرلەمانی کوردستان کۆبوونەوە و پرسەکانی پەیوەست بە تەندروستی و چاکسازییان تاوتوێکرد.  

د. سامان بەرزنجی، وەزیری تەندرویستی حکومەتی هەرێم، لە وەزارەتی تەندروستی، لەگەڵ هێمن هەورامی، جێگری سەرۆکی پەرلەمانی کوردستان و سەرۆك و ئەندامانی لیژنەی تەندروستی و ژینگە و ژمارەیەک لە ئەندامانی پەرلەمان و ڕاوێژكارانی پەرلەمانی كوردستان کۆبوەوە.

بەگوێرەی ڕاگەیەندراوێکی وەزارەتی تەندروستی لە كۆبوونەوەكەدا باس لە ئاستی جێبەجێكردنی ئەو خاڵ و كارنامانەی كە لەلایەن كابینەی نۆیەمی حكومەتی هەرێمی کوردستان پێشكەشی پەرلەمان كراوە، لەگەڵ جێبەجێكردنی كارنامەی چاكسازی گفتوگۆیان لەبارەوە کراوە.

هەر لە کۆبوونەوەکەدا پرۆسەی چاکسازی لە بوارەکانی خزمەتگوزاری و چارەسەریی و خۆپارێزیی و  ئاستی جێبەجێ بوونی ئەو خاڵ و تەوەرانەی کارنامەی کابینەی نۆیەم کە پەیوەستن بە کەرتی تەندروستییەوە قسەیان لەسەر کراوە.

هەر بەگوێرەی ڕاگەیەندراوەکە لەکۆتاییدا هەردوولا جه‌ختیان له‌سه‌ر هەماهەنگی زیاتر كردووەته‌وه‌ بۆ پێشخستنی کەرتی تەندروستی لەهەرێمی کوردستان.

بابەتی پەیوەندیدار

Back to top button