بارەگای بارزانی ڕوونکردنەوەیەکی بڵاوکردەوە

لڤین:

بارەگای بارزانی ڕوونكردنەوەیەكی لەبارەی هەواڵێكی ناڕاستی چەند میدیایەكی عێراق و هەرێمی كوردستان بڵاو كردەوە.

لە روونكردنەوەكەدا هاتووە “لە ژمارەیەك میدیای عێراقی و كوردستانی هەواڵێكی ناڕاست بڵاو كراوەتەوە كە گوایە سەید موقتەدا سەدر وەڵامی پەیوەندییەكانی جەنابی سەرۆك بارزانی ناداتەوە”.

لە ڕوونكردنەوەكەدا ئاماژە بەوە دراوە “بۆ ڕای گشتیی عێراق و كوردستان ڕوونی دەكەینەوە كە ئەو بابەتە هیچ بنەمایەكی نییە و دوورە لە ڕاستی. لە نێوان بارزانی و سەید موقتەدا سەدر ئەوپەڕی ڕێزگرتن و متمانە و پەیوەندیی زۆر باش هەیە. ئەوانەشی ئەم جۆرە دەنگۆیانە بڵاو دەكەنەوە ئامانجیان داپۆشینی شكست و دواكەوتنیانە لە پڕۆسەی سیاسی”.

هەر لە ڕاگەیەندراوەکەدا هاتووە “ئەگەر لە ماوەی ڕابردوودا ئاماژەیەكیش بۆ كەمبوونی جموجۆڵی سیاسی هەبووبێت، ئەوە لەبەر ڕەچاوكردنی مانگی پیرۆزی ڕەمەزان بووە”.

بابەتی پەیوەندیدار

Back to top button