وەزارەتی ناوخۆ رەتیدەکاتەوە سیاسەتمەدارێکی کوردیان رادەستی تورکیا کردبێتەوە

لڤین: وەزارەتی ناوخۆی حکومەتی هەریم رەتیدەکاتەوە سیاسەتمەدارێکی باکوری کوردستانیان رادەستی تورکیا کردبێتەوە و دەشڵێت ئەو هەواڵە هیچ بنەمایەکی نییە.

دوای ئەوەی دوینێ هەواڵی رادەستکردنەوەی سیاسەتمەدارێکی باکوری کوردستان لەیان ئاسایشی پارتیەوە بڵاوکرایەوە، وەزارەتی ناوخۆی حکومەتی هەرێم روونکردنەوەیەکی بڵاوکردەوە رایگەیاند: گوایا کەسێک بەناوی ( عومەر بارتان ) خەڵکی  ناوچەی تاتوانی تورکیا ، بە چاوی بەستراوەوە لە سنوری ئیبراهیم خەلیل نێردراوەتەوە تورکیا . ئێمە سەرلەبەری ئەم هەواڵە ڕەت دەکەینەوە.

وەزارەتی ناوخۆی هەرێم ئەوەشی وتووە “بە هەوڵێکی دیکەی ڕاگەیاندنی چەواشەکاری پەکەکەی دەزانین بۆ ناوزڕاندن و بەدناوکردنی حکومەتی هەرێمی کوردستان . بۆیە ئەم هەواڵە هیچ بنەمایەکی نییە”.

وەزارەتەکە هەرچەندە وەڵامەکە بەراست نازانێت بەڵام رەتینەکردووەتەوە ئەو سیاسەتمەدارەی باکوری کوردستان چۆن لەلایەن تورکیاوە دەستگیرکراوە یان گەڕاوەتەوە تورکیا.

بابەتی پەیوەندیدار

زیاتر بخوێنەوە
Close
Back to top button