خانەنشینێکی دیکە لە سەرەی وەرگرتنی موچەدا گیانی لە دەستدا

لڤین:

کاتژمێر 5:50 خولەکی بەرەبەیانی ئەمڕۆ خانەنشینێک لەبەردەم بانکی باخان لەسلێمانی گیانی لەدەستداوە، تەرمەکەشی رەوانەی پەیمانگای پزیشکی دادی کراوە.

سامان نادر، بەرپرسی بەشی فریاکەوتنی خێرای سلێمانی 122 ئەمڕۆ سێشەممە راگەیاند، کاتژمێر 5:50 خولەکی بەرەبەیانی ئەمڕۆ تیمەکانیان ئاگادکراونەتەوە لە گیان لەدەستدانی خانەنشینێک لەبەردەم بانکی باخان لەسلێمانی.

روونیکردەوە، خانەنشینەکە تەمەنی لەسەروی 70 ساڵەوە بووە و بەمەبەستی زانینی هۆکاری مردنەکەشی، تەرمەکەی رەوانەی پەیمانگای پزیشکی دادی کراوە.