ئەردۆغان داوای ئاگربەستی نێوان ڕووسیا و ئۆکرانیا دەکات
لڤین:
سەرکۆماری تورکیا، رەجەب تەیب ئەردۆغان و سەرۆکی رووسیا، ڤلادیمیر پوتین، پەیوەندییەکی تەلەفۆنییان ئەنجامدا.
لە راگەیەندراوێکدا کە لەلایەن سەرۆکایەتی پەیوەندییەکان لە سەرۆکایەتی کۆماری تورکیا بڵاوکراوەتەوە، ئاماژە بەوە کراوە لە میانی پەیوەندییەکەدا تاوتوێی دوایین دۆخی جەنگی نێوان رووسیا-ئۆکرانیا و پێواژووی دانوستانەکان کراوە.
رەجەب تەیب ئەردۆغان جەختی لە پێویستیی دەستبەجێی ئاگربەست و بنیاتنانی ئاشتی لەنێوان رووسیا و ئۆکرانیا و باشکردنی دۆخی مرۆیی لە ناوچەکە کردووەتەوە و ئاماژەی بەوە کردووە کە تورکیا بەردەوامە لەوەی ھەر جۆرە رۆڵێک لەو پێواژووەدا ببینێت.
ئەردۆغان و پوتین ھاوڕابوون لەسەر ئەوەی کۆبوونەوەی داھاتووتری شاندی دانوستانکاری ھەریەک لە رووسیا و ئۆکرانیا لە ئیستانبوڵ ئەنجام بدرێت.
