سوپای پاسداران بە فەرمی بەرپرسیارێتی هێرشەموشەکیەکەی گرتە ئەستۆ

لڤین: 

سوپای پاسداران بە فەرمی بەرپرسیارێتی هێرشە موشەکیەکانی سەر شاری هەولێری گرتە ئەستۆ و دەڵێت ناوەندیکی ئیسرائیلیان کردووەتە ئامانج. 

بە گوێرەی ڕاگەیەندراوێک کە ئاژانسی تەنسیمی ئێرانی بڵاویکردووەتەوە سوپای پاسداران بەرپرسیارێتی خۆی لە هێرشەکەی بەرەبەیانی ئەمڕۆی سەر هەولێر گرتە ئەستۆ.

لە ڕاگەیەندراوێکدا کە تەنسیم بڵاویکردووەتەوە پەیوەندییە گشتییەکانی سوپای پاسداران ڕایگەیاندووە، شەوی ڕابردوو “ناوەندی ستراتیژی پیلان و خراپەی زایۆنیستەکان” کرایە ئامانجی موشەکی بەهێز.

سوپای پاسداران ئاماژەی بەوەشکردووە کە “جارێکی تر هۆشداری دەدەینە ڕژێمی تاوانباری زایۆنیست و بە دووبارەکردنەوەی هەر خراپەیەک بە وەڵامی توند و یەکلاکەرەوە و وێرانکەر دەگیرێتە بەر”.

هێرشەکەی ئێران بۆ سەر ناوەندی هێزەکانی ئەمریکابوو لە شاری هەولێر، دوای هێرشەکەش هێزە نێو دەوڵەتیەکان و هاوڵاتیانی هەریم نیگەرانی خۆیان لە بارەی ئەو هێرشەوە ڕاگەیاند.

سەرچاوە: تەنسیم

بابەتی پەیوەندیدار

Back to top button