نێچیرڤان بارزانی گەیشتە تورکیا

نێچیرڤان بارزانی، سەرۆکی هەرێمی کوردستان بە مەبەستی بەشداریکردن لە دووەم کۆڕبەندی دیپلۆماسی ئەنتاڵیا گەیشتە تورکیا و بڕیاریشە فوئاد حوسێن، وەزیری دەرەوەی عێراق بەشداریی کۆڕبەندەکە بکات.

کۆڕبەندەکە لەژێر ناونیشانی “داڕشتنەوەی دیپلۆماسی” بەڕێوەدەچێت و ماوەی سێ رۆژ دەخایەنێت، لە رۆژانی 11 تاکو 13ـی ئەم مانگە بەردەوام دەبێت.

بڕیاروایە ئەمساڵ 15 سەرۆک و سەرۆک وەزیران و 67 وەزیر بەشداریی کۆڕبەندەکە بکەن و دیارترین بابەتەکانی دیدارەکە بریتین لە: هەژاری، ئاوارەبوون، گۆڕانی کەشوهەوا و هەڕەشەی گرووپە چەکدارەکان.