بایدن ژمارەیەک سزای دیکە دژی رووسیا رادەگەیەنێت
لڤین:
سەرۆکی ویلایەتە یەکگرتوەکانی ئەمریکا ئەمڕۆ هەینی ژمارەیەکی دیکە سزای توند بەسەر روسیادا دەسەپێنێت، ئەنجومەنی نوێنەرانی ئەمریکاش پرۆژە یاسایەکی لە دژی رووسیا پەسەند کرد.
کۆشکی سپی لەراگەیەنراوێکدا بڵاویکردەوە ئەمڕۆ هەینی بە هاوبەشی لەگەڵ یەکێتی ئەوروپا سزای دیکە بەسەر رووسیادا دەسەپێنن، بەبێ ئەوەی جۆری سزاکان و ئەو کەس و لایەنانە ئاشکرابکات کە سزاکان دەیانگرێتەوە.
ھاوکات پرۆژە یاسای قەدەغەی ھاوردەکردنی نەوت و وزە لە رووسیاوە بەھۆی ھێرشەکانی وڵاته‌كه بۆ سەر ئۆکرانیا بە زۆرینەی دەنگی 414 ئەندام بە بەڵێ لە بەرامبەر 17 دەنگی نەخێر، پەسەندکرا.
کۆی ئەو بودجەیەی ئەنجومەنەکە بۆ ھاوکاری ئۆکراینا پەسەندی کردووە دەگاتە 13.6 مليار دۆلار.
