لە 24 کاتژمێری رابردوو 129 تووشبووی کۆرۆنا لە هەرێم تۆمارکراوە

لڤین: لە 24 كاتژمێری ڕابردوودا 129 تووشبووی كۆرۆنا لە هەرێمی کوردستان تۆماركراون و دوو کەسیش لە دهۆک گیانیان لەدەستداوە.

وەزارەتی تەندروستی حكومەتی هەرێمی کوردستان، نوێترین ئامارەكانی كۆرۆنای بڵاوكردەوە و رایگەیاند، لە 24 كاتژمێری رابردوودا 4732 پشكنینی نوێ ئەنجامدراوە و تیایدا 129 تووشبووی نوێ هەبووە.

وەزارەتەكە روونیشیكردووەتەوە لە 24 كاتژمێری رابردوودا 67 تووشبوو چاكبوونەتەوە و دوو کەسیش لە دهۆک بە نەخۆشییەکە گیانیان لەدەستداوە.

بەگوێرەی راگەیەندراوەكەی وەزارەتی تەندروستی تا ئێستا 108 هەزار و 62 تووشبووی كۆرۆنا تۆماركراوە و 103 هەزار و 78 كەسیان چاكبوونەتەوە و 3510 تووشبووش گیانیان لەدەستداوە.

بابەتی پەیوەندیدار

Back to top button