پارتی کارتێکی نوێ دژی یەکێتی و گۆڕان ڕادەکێشێت
لڤین:
پارتی لە چەند ڕۆژی داهاتوودا ئەنجامدانی هەڵبژاردنی ئەنجومەنی پارێزگاکان دەخاتە بەرباس و دەیەوێت لە گەڵ هەڵبژاردنی پەرلەمانی کوردستان ئەویش ئەنجام بدرێت.
سەرچاوەیەک لە سەرکردایەتی پارتی دیموکراتی کوردستان بە لڤین پرێسی ڕاگەیاند، پارتی لە ئێستادا سورە لەسەر ئەنجامدانی هەڵبژاردن و دەیەوێت گوشاری زیاتریش بخاتە سەر گۆڕان و یەکێتی.
ئەو ڕوونیکردەوە مەکتەبی سیاسی بۆ ناچارکردنی یەکێتی و گۆڕان بە کارنامەکانی لە پەرلەمانی کوردستان و عێراق لە چەند ڕۆژی داهاتوو ئەنجامدانی هەڵبژاردنی ئەنجومەنی پارێزگاکانیش دەخاتە بەرباس.
ئەو سەرچاوەیە ڕوونیکردەوە ئەنجامدانی هەڵبژاردنی پارێزگاکان لە وادەیی یاسایی خۆی تێپەڕی کردووە بەڵام یەکێتی و گۆڕان دڵخۆش نین بەم دۆخەیانەوە بەشداری هیچ هەڵبژاردنێک بکەن، بەڵام پارتی و نەوەی نوێ دەیانەوێت هەردوو هەڵبژاردنەکە پێکەوە ئەنجام بدریت.
