ئومێد بەرۆشکی ئازادکرا
لڤین:
ئومێد بەروشکى، یەکێک لە دەستگیرکراوانى بادینان دواى تەواوکردنى ماوەى زیندانییەکەى ئازادکرا.
بەشدار حەسەن، سەرۆکى تیمى پارێزەرانى کەیسى دەستگیرکراوانى بادینان رایگەیاند: هەرچەندە دەبوایە دوێنێ ئومێد بەرۆشکى ئازادبکرایە، بەڵام ئەمڕۆ دادگا بڕیارى ئازادکردنى بۆ دەرکرد.
وتیشى،” بڕیارى ئازادکردنى دراوە و چاوەڕێین لە زیندان بێتە دەرەوە”.
لە رۆژى (22ى 6ى 2021)، ئومێد بەروشکى بە (14) مانگ زیندانى کردن، لەلایەن دادگاوە سزادرا، دواتر لەسەر سکاڵاى ئاسایش و بە تۆمەتى تەشهیرکردن بەو هێزانە سکاڵایەکى دیکەى لەسەر تۆمارکرا و شەش مانگى دیکە بە زیندانى کردن سزادرا.
