سێ قاچاخچی لە گەرمیان دەستگیرکران

لڤین:

ئاسایشی گەرمیان بڵاویکردەوە، هێزەكانیان توانیویانە سێ قاچاغچی دەستگیر بكەن، كە كاری بازرگانیی چەكیان كردووە، یەكیان كوردە و دوانەكەتی تر لەنەتەوەى عەرەبن.

بەڕێوەبەرایەتی ئاسایشی گەرمیان لە ڕاگەیەندراوێكدا بڵاویکردەوە، هێزەکانیان توانیویانە سێ کەس دەستگیر بکەن، کە بازرگانییان بە چەکەوە کردووە و لە هەمانکاتیشدا دەستبەسەر چەندین جۆر چەك و تەقەمەنییدا گیراوە، كە لەلایەن ئەو سێ كەسەوە بە قاچاغ هێنراونەتە سنووری گەرمیان.

ئاماژەی بەوەشکردووە، ئەو كەسانە ى بەهۆى کارى قاچاغچێتیى بە چەک دەستگیرکراون، یەكێکیان كوردە و خەڵكی كەلارە و پێشینەی قاچاغچێتیی هەیە و دووانەكەی دیكەش لە نەتەوەى عەرەبن و خەڵكی شارى بەغدان.

وتوشیەتی: ئەو سێ قاچاغچییە بەپێی ماددەی ٢١ لە یاسای چەك و بە فەرمانی دادوەری لێكۆڵینەوە دەستگیر كراون.

بابەتی پەیوەندیدار

Back to top button