کاندیدێکی سەرۆک کۆمار کشایەوە
لڤین:
کاندیدێکی پۆستی سەرۆک کۆماری عێراق کشایەوە و هۆکارەکەشی بۆ ئاڵۆزی دۆخی سیاسی دەگێڕێتەوە.
کەمال عەزیز قەیتولی، کاندیدی سەرۆک کۆمار کە لە زانکۆی دهۆک مامۆستایە و خاوەنی بڕوانامەی دکتۆرا لە بواری کیمیای پزیشکی، کشانەوەی خۆی لە کاندیدبوونی بۆ پۆستی سەرۆک کۆمار راگەیاند.
ئەو کاندیدە کشاوەیە باسی لەوەکرد کە کشانەوەکەی بەهۆی چەقبەستوویی دۆخی سیاسی عێراق و ئاڵۆزتربوونی پەیوەندییەکانی نێوان هەولێر و بەغدادە.
سبەی چوارشەممە دادگای فیدراڵی لەبارەی بڕیاری دووەمجار کردنەوەی دەرگای خۆکاندیدکردنی بۆ پۆستی سەرۆک کۆمار، لەلایەن ئەنجومەنی نوێنەرانەوە کۆببێتەوە و بڕیاری کۆتایی لەو بارەیەوە دەردەکات.
