هاتووچۆی هەولێر لەبارەی ئۆتۆمبێلی تاکسیەوە ئاگاداریەک بڵاو دەکاتەوە

لڤین:

بەڕێوەبەرایەتی هاتووچۆی هەولێر سەرجەم هاوڵاتیان و شۆفێران ئاگاداردەکاتەوە دەتوانن ئۆتۆمبێلی تاکسیی مۆدێل بەرز تۆمار بکەن،لە بەرامبەردا تاکسییەکی مۆدیل کۆن هەڵبوەشێننەوە.

فازڵ حاجی، وتەبێژی هاتووچۆی هەولێر نوسراوێکی وەزارەتی ناوخۆی بڵاوکردووەتەوە کە تایبەتە بە تۆمارکردنی تاکسی و دەڵێت “سەرجەم هاوڵاتیان و شوفێران و ئەو کەسانەی کە ئارەزومەندی کاری تاکسی دەکەن، ئاگاداردەکەینەوە کە ڕێنمایی ژمارە 7ی سالی2021ی وەزارەتی ناوەخۆ، مادەی سێهەم، بڕگەی 11ی تایبەت تۆمارکردنی تاکسی مۆدێل بەرز چووە بواری جێبەجێکردن”.

وتەبێژی هاتووچۆی هەولێر ئاماژەی بەوەشکردووە، تۆمارکردنەکە بەم مەرجانە دەبێت:

1.دەبێت ئوتومبێلی هاوردەکراو تاکسی بێت و ڕەنگی تبنی بێت وەکو ئەو تاکسیانەی کە لە هەرێمی کوردستان کاریان پێدەکرێت.

2.بۆ تۆمارکردنی تاکسییە مۆدێل بەرزەکە پێویستە تاکسییەکی مۆدیل کۆن هەڵبوەشێننەوە.

3. ئەو هاوڵواتیانەی کە دەیانەوێت تاکسییەکانیان بە ئارەزومەندانە بگۆڕن بۆ تایبەت، ڕێگاپێدراون و دەتوانن کەڵک لەژمارەی تاکسییەکە وەربگرن و بیفرۆشنەوە، لەبەرامبەردا رسوماتی تۆمارکردنی ئوتومبێلی تایبەت بدەن.