نێچیرڤان بارزانی: هەوڵ دەدرێت لە عێراق شەراكەت نەمێنێت

لڤین: سەرۆكی هەرێمی كوردستان ڕایگەیاند بەهۆی نەمانی شەراكەتەوە دۆخی عێراق وێران بوو و داعش زۆر شوێنی عێراقی داگیركرد، ئێستاش هەوڵ دەدرێت شەراكەت نەمێنێت.

نێچیرڤان بارزانی، لە وتارێكدا لە ڕۆژی شەهیدی محەمەد باقر حەكیم لە هەولێر ڕایگەیاند “واقعی پەیوەندییەكانی هەرێم و بەغداد بە دڵی ئێمە و هەندێك لایەنی شیعە نییە و ئەگەر شەراكەت نەبێت دۆخی عێراق لە ئێستا خراپتر دەبێت”.

راشیگەیاند، هەموو پەراوێزخستنێك زیاتر عێراق بەرەو هەڵدێر دەبات، وتیشی: پێشكەوتنی هەرێم دەبێت دڵی هەموو عێراقییەك خۆشبكات، چونكە پێشكەوتنی هەرێم یانی پێشكەوتنی بەشێك لە عێراق و هەرێم بەشێكە لە عێراقی فیدراڵ.

نێچیرڤان بارزانی باسی لەوەشكرد ناكۆكی سیاسی هەمیشە وایكردووە عێراقییەكان لە ناخۆشیدا بژین و سود لەو سامانە وەرنەگرن كە هەیەتی وتیشی “هۆشداری دەدەین لە پەراوێزخستنی لایەنەكانی عێراق و ئەگەر هەر لایەنێك پەراوێز بخرێت ئەوا دۆخەكە لە ئێستا زیاتر خراپتر دەبێت”.

بابەتی پەیوەندیدار

Back to top button