شەش چەکداری داعش کوژران
لڤین:
شانه‌ی راگه‌یاندنی سه‌ربازی عێراق رایگه‌یاند، شه‌ش چه‌كداری داعش له ئه‌نجامی بۆردومانێكی ئاسمانیدا له قه‌زای تارمیه‌ی باكوری به‌غداد كراونه‌ته ئامانج و كوژراون.
شانه‌ی راگه‌یاندنی سه‌ربازی له‌ڕاگه‌یه‌ندراوێكدا بڵاویكرده‌وه، به پشت به‌ستن به‌زانیاری ووردی هه‌واڵگری، فه‌رمانده‌یی هێزی ئاسمانی گورزێكی ئاسمانی یه‌ك له‌دوای یه‌كیان بۆسه‌ر ژماره‌یه‌ك له چه‌كدارانی داعش له دارستانه‌كانی عكێلبی ناوچه‌ی تابی سنوری قه‌زای تارمیه ئه‌نجامدا، شه‌ش چه‌كداری داعش له‌و پرۆسه‌یه‌دا كوژران.
پێشتریش سه‌رچاوه‌یه‌كی ئه‌منی رایگه‌یاندبوو، فڕۆكه جه‌نگییه‌كانی سوپای عێراق دو موشه‌كیان ئاراسته‌ی ژماره‌یه‌ك مۆڵگه و حه‌شارگه‌ی چه‌كدارانی داعش كردوه له قه‌زای تارمیه و ژماره‌ی كوژراو و بریندارانی داعش نه‌زانراوه.
