حکومەتی عێراق لە زیندانەکانی ڕێوشوێنی توند دەگرنەبەر
لڤین:
بە هۆی مەترسی دەربازکردنی زیندانیانى داعش حکومەتى عێراق رێکاری توند دەگرێتە بەر و ترسیان هەیە ئەوەی لە حەسەکە ڕویدا دوبارە ببێتەوە.
چەند سەرچاوەیەکى سەربازی عێراقی رایانگەیاند، حکومەتى عێراق رێنمایى ئەمنى باڵای دەرکردووە بۆ توندکردنەوەى پاسەوانیکردنی ئەو گرتوخانانەی سەرکردە و گیراوانى ئەندامانى داعشیان تیایە.
سەرچاوەکان ئاماژە بەوەدەکەن حکومەت و دەزگا ئەمنییەکان رێوشوێنى توند لە زیندانەکانى (تاجى، الکفل، الحوت) گیراونەتەبەر.
حکومەتى عێراق هێزە ئەمنییەکانى لە چواردەوری زیندانەکان بڵاوەپێکردوە و لەناوخۆی زیندانەکانیش چەندین رێکاری جۆراوجۆری گرتووەتە بەر تا رێگە بگرێت لە هەڵهاتنى زیندانیانى داعش.
