دوو کەس لەسەر شوێنی ئۆتۆمبێل هێرشیان کردە سەر کەسێکی دیکە
لڤین:
بەڕێوەبەرایەتی پۆلیسى گەرمیان ڕاگەیاند، دوای ئەوەی لەسەر ڕاگرتنی ئۆتۆمبێل بووە بە شەڕیان فەرمنای دەستگیرکردن بۆ دوو کەس دەرچووە.
لە ڕاگەیەندراوەكەی بەڕێوەبەرایەتی پۆلیسی گەرمیاندا هاتووە:پۆلیسی گەرمیان ئاشکراشی دەکات: هاوڵاتیەک هێنرایە بەشی فریاکەوتنی شەهید هەژار کەبەهۆی بەرکەوتنی فیشەکەوە بریندار بوو بوو.
پۆلیسی گەرمیان لە زاری بیندراەكەوە بڵاوكردووەتەوە، كاتێك لەکۆڵانەکەی ماڵی خۆیان ئۆتۆمبێلی ڕاگرتووە و بەوهۆیەوە لەگەڵ دراوسێیەکی بووە بەدەمەقاڵەیان و لەئەنجامدا دراوسێکەیان خۆی و براکەی بەچەک و چەقۆ هێرشیان کردۆتە سەری و بەفیشەک برینداریان کردووە و چەند فیشەکێکیان بەئۆتۆمبێلەکەیانەوە ناوە.
ئاماژەبەوەكراوە، لەئێستادا چارەسەری پێویست بۆ بریندارەکە کراوە و پۆلیس پەڕاوی لێکۆڵینەوەی بۆ ڕووداوەکە کردۆتەوە، بەبریاری دادوەریش بەپێی مادەی405/31 فەرمانی دەستگیرکردن بۆتۆمەتباران دەرچووە.
