لە ۲٤ کاتژمێری ڕابردوو (۲٦) ڕووداوی کەوتن ڕوویانداوە
لڤین:
لە ماوەی ٢٤ کاتژمێردا ٢٨٠ کەس سەردانی نەخۆشخانەی شاریان لە سلێمانی کردووە کە ١٢ کەسیان لە روداوی ھاتووجۆدا بووە و ٢٦ روداوی کەوتنیش ھەبووە.
بەپێی ئامارەکانی بەڕێوبەرایەتی گشتی تەندروستی سلێمانی لە بەشی فریاکەوتنی نەخۆشخانەی شار لە ٢٤ کاتژمێری رابردودا (٢٨٠) کەس سەردانی نەخۆشخانەیان کردووە ، لەو ڕێژەیەش (١٣٠) کەسیان بەمەبەستی چارەسەرکردن داخڵکراون.
هەر لەو ئامارەدا ئاماژەی بەوەکراوە (١٢)حاڵەتی ڕووداوی هاتووچۆ و (١٥) ڕووداوی شکاوی و (٢٦) حاڵەتی ڕووداوی کەوتن و (٩) حاڵەتی ڕووداوی جیاجیا تۆمار کراون.
