توركیا لە ١٥ ڕۆژدا ٢٥٥ جار هێرشی كردووەتە سەر باكور و ڕۆژهەڵاتی سوریا
لڤین:
هێزەكانی سوریای دیموكراتی رایگەیاند، تورکیا و چەكدارەكانی نزیكی لەماوەی ١٥ رۆژدا ٢٥٥ جار هێرشیان كردووەتە سەر ڕۆژئاوای كوردستان و باكوور و رۆژهەڵاتی سوریا.
ناوەندی راگەیاندن و چاپەمەنی هێزەكانی سوریای دیموكراتی (هەسەدە) ئاماری هێرشەكانی دەوڵەتی توركیا و چەكدارەكانی هاوپەیمانی بڵاوكردەوە و ڕایگەیاندووە، توركیا لە بێدەنگی نێودەوڵەتی سوود وەردەگرێت و لەم ١٥ رۆژەی دواییداهێرشی کردووتە سەر شەهبا، منبج، كۆبانێ، عەین عیسا، تەل تەمر، رێگەی ئێم٤، تەل تەمر و دربێسی.
ئاماژە بۆ ئەوەشكراوە، كە دەوڵەتی توركیا بۆ ئەوەی هێرشەكانی بۆ سەر هەرێمەكە بە ڕەوا پیشان بدات، بە بانگەشەكانی كە گوایە زۆر شەڕڤانی ئێمەی شەهید كردووە، ویستی ڕای گشتی هەڵخەڵەتێنێت، بەڵام بە پێچەوانەوە، هەموو هێرشەكانی لە دژی هاووڵاتیانی مەدەنیمان ئەنجامداوە.
