ئەمریكا: بە وردی چاودێری دەستگیركردن و دادگایكردنەكانی هەرێممان كردووە

لڤین: نێردەی ویلایەتە یەكگرتووەكانی ئەمریكا لە عێراق لەبارەی دەستگیركراوانی بادینان راگەیەندراوێكی بڵاوكردەوە و تیایدا دەڵێت “بە وردی چاودێری دەستگیركردن و پاشان دادگایكردنەكانی ئەم دواییەی ڕۆژنامەنووسان و چالاكوانانمان كردووە”.

ئەوەشی روونردووەتەوە “ویلایەتە یەكگرتووەكانی ئەمریكا دەربارەی پرسی ئازادیی ڕادەربڕین و لەو نێوەندەشدا ئازادی بۆ ڕاگەیاندكاران بەردەوام لە پەیوەندیدا بووە لەگەڵ بەرپرسانی حكومەتی هەرێمی كوردستان و بەردەوامیش دەبێت لەسەری”.

بە بیری حكومەتی هەرێمی هێناوەتەوە كە “كۆمەڵگا دیموكراتیەكان ڕێز لە ئازادیی ڕادەربڕین دەگرن و پشتیوانی لە توانای ڕاگەیاندكاران دەكەن بۆ ئەنجامدانی كارەكانیان بە بێ ترس لە تۆڵە لێسەندنەوه”.

ئەوەش لە كاتێكدایە بەشێك لە پارتی دیموكراتی كوردستان تا ئێستا سوورە لەسەر سزادانی ئەو چالاكوانانەی بادینان، بەگوێرەی زانیاریسەرچاوەیەكی تایبەتیش بۆ لڤین پرێس دەزگای پاراستنی پارتی ئامادەكاری دەكات بۆ ئەوەی پێش دەستپێكردنی دادگای پێداچوونەوە دانپێدانانی سزادراوان بڵاوبكاتەوە.

بابەتی پەیوەندیدار

Back to top button