سوننەکان کاندیدی سەرۆکی پەرلەمانیان دیاری کرد
لڤین:
هێزە سونییە براوەكان لە هەڵبژاردنی ئەنجومەنی نوێنەرانی عیراق خۆیان یەكلایی كردەوە بۆ دەستنیشانكردنی سەرۆكی داهاتووی ئەنجومەنی نوێنەران.
بەپێی ئەو زانیاریانەی لە راگەیاندنەكانی عیراق بڵاوكراونەتەوە، هەردوو لایەنی تەقەدوم بەسەرۆكایەتی محەمەد حەلبوسی و خەمیس خەنجەر سەرۆكی عەزم گەیشتونەتە رێككەوتن بۆ پێكهێنانی هاوپەیمانی بۆ ئەنجومەنی نوێنەرانی عیراق”.
بڵاویشكراوەتەوە،” لەو كۆبونەوەیەی لەنێوان هەردوولادا كراوە بەكۆی دەنگ خەمیس خەنجەر وەك سەرۆكی هاوپەیمانییەكە هەڵبژێردراوەو محەمەد حەلبوسیش وەك سەرۆكی داهاتووی ئەنجومەنی نوێنەرانی عیراق پێشنیار كراوە”.
جیگەی ئاماژە پێدانە،” هاوپەیمانی عەزم و تەقەدوم دەبنە گەورەترین كوتلەی هێزە سونییەكان لەناو پەرلەمانی عیراق، عەزم 37 كورسی لە هەڵبژاردندا بردۆتەوەو تەقەدومیش 14 كورسی كە بە هەردوكیانەوە دەبنە خاوەنی 51 كورسی پەرلەمانی.
