ئەو دوو هاوڵاتیەی تورکیا لە برادۆست ڕفاندنی پەیوەندیان بە بنەماڵەکانیان کردووە
لڤین:
ئەو دوو ھاوڵاتییەی برادۆست کە لەلایەن سوپای تورکیاوە رفێندرابوون، پەیوەندیان بە بنەماڵيکانیانەوە کردووە و داوای ناسنامەکانیان کردووە.
کەسوکاری ئەو دوو ھاوڵاتییەی ناوچەی برادۆست کە ھەفتەی رابردوو لەلایەن سوپای تورکیاوە رفێندرابوون رایانگەیاند، ٣١ی مانگ دوو کەسیان لەلایەن سوپای تورکیاوە رفێندراوە و دوای ھێشتنەوەیان لە سەربازگەیەکی تورکیا بۆ ماوەی سێ رۆژ لە ھەرێم، دواتر گواستراونەتەوە بۆ شاری جولەمێرگ لە باکوری کوردستان.
کەسوکارەکەی باسیان لەوەش کرد، رفێندراوەکان پەیوەندییان پێوە کردوون و داوایان کردووە ناسنامەکانیان بۆ رەوانە بکەن، بەڵام زانیاری دیکەیان لەسەریان بڵاو نەکردووەتەوە.
