ڕەوەند مەلا مەحمود: پارتی بەفەرمی داوای پۆستی پارێزگاری کەرکوکی نەکردووە

لڤین: 

بەرپرسی مەڵبەندی کەرکوکی یەکێتی ڕایگەیاند، بۆ ڕێککەوتن لەگەڵ هەر لایەنێکی سیاسی، یەکێک لە خاڵەکانمان پۆستی پارێزگاری کەرکوکە،پارتی بەفەرمی داوای پۆستی پارێزگاری کەرکوکی نەکردووە.

ڕەوەند مەلا مەحمود لە دیدارێکدا لەگەڵ دەنگی ئەمریکا ڕایگەیاند، پۆستی پارێزگاری کەرکوک ئیستیحقاقی کوردە و کوردیش کار بۆ وەرگرتنی دەکات.

ئاماژەی بەوەشکرد، گەر پەرلەمان کۆبوەوەو حکومەت پێکهێنرا، بۆ ڕێککەوتن لەگەڵ هەر لایەنێکی سیاسی، یەکێک لە خاڵەکانمان پۆستی پارێزگاری کەرکوکە. جگە لە کەرکوک، پۆستی پارێزگار لە هیچ پارێزگایەکی عێراق بە وەکالەت بەڕێوەنابرێت.

ئەو وتیشی: پارێزگاری کەرکوک نیەتی ڕۆیشتنی هەبێت بۆ پەرلەمانی عێراق یان نە، لای ئێمە گرنگ نیە. ئێمە پۆستی پارێزگاری کەرکوک بە ئیستیحقاقی خۆمان دەزانین و کار بۆ وەرگرتنی دەکەین.

لە بارەی هەوڵی وەرگرتنی ئەو پۆستە لەلایەن پارتیەوە ئاماژەی بەوەکرد: پارتی بەفەرمی داوای پۆستی پارێزگاری کەرکوکی نەکردووە. هەندێک خەڵک لەخۆیەوە لێدوانی لەسەر ئەو بابەتە داوە.

ڕەوەند مەلا مەحمود وتیشی: ئێمە و پارتی تا ئێستا یەک تیمین بۆ دانوستان لەگەڵ بەغدا بۆ بەدەستهێنانی دەستکەوتەکانی میللەتەکەمان.

بابەتی پەیوەندیدار

Back to top button