پارێزگاری هەولێر بڕی پارەی کۆکراوەی بۆ زیان لێکەوتوانی لافاوەکە ئاشکراکرد

لڤین:

پارێزگاری هەولێر ڕایگەیاند، تائێستا شەش ملیارو 500 ملیۆن دینار هاوكاری بۆ زیانلێكەوتوانی لافاوەكەی هەولێر كۆكراوەتەوە.

ئومێد خۆشناو لە کۆنگرەیەکی ڕۆژنامەوانیدا ڕایگەیاند بەهۆی لافاو یەكەمی هەولێرەوە زیانی زیاتر لە 5 ملیار دینار و لافاوی دووەمیش بەپێی خەمڵاندنەكان زیاترە لە 21 ملیار دینار.

ئاشکراشیکرد لە لافاوی دووەمی شارەکەدا سێ هەزارو 276 فۆڕم لەلایەن زیانلێكەوتوانەوە پڕكراوەتەوە كە بەشێكیان تەنها ناو ماڵیان لەدەستداوە، بەشێكیان خانوەكانیان و بەشێكی تریان ئۆتۆمبێلیشیان، بەڵام دوو هەزارو 717 خانوو بەتەواوی لەناوچوون، هەزارو 26 ئۆتۆمبێلیش بەهۆی لافاوەكەوە زیانیان بەركەوتوەو بەشێكی زۆریان بەتەواوی لەكاركەوتون، هەروەها 375 خانووش زیانیان بەركەوتوە.

پارێزگاری هەولێر ڕاشیگەیاند: تائێستا 6 ملیارو 500 ملیۆن دینارو چوەتە سەر ئەو هەژمارە حسابیەی داماناوە، بەغدا دوو ملیاری بۆ داناین، بەڵام رەتمانكردوەو داوا دەكەین زیادی بكات.

ئاماژەی بەوەشکرد لە دوای لافاوەکەوە “نزیکەى سێ ملیار دینار هاوكاری سەرەتایی بەسەر زیانلێكەوتووانی لافاوەكەدا  دابەشكراوە”.

 

بابەتی پەیوەندیدار

Back to top button