بەلەمێک بە 90 کۆچبەرەوە ژێر ئاو کەوت
لڤین:
پاسەوانی کەناراوەکانی یۆنان رایگەیاند، بەهۆی نقوومبوونی بەلەمێکی کۆچبەران لە دوورگەی ئەنتیکیسێرا لە وڵاتەکەیان چوار کۆچبەر گیانیان لەدەستداوە و نزیکەی 90 کۆچبەری دیکەش لە دوورگەکەدا گیریان خواردووە.
تیمەکانی فریاکەوتنی یۆنان و پاسەوانی سنووری بەهۆی خراپی کەشوهەواوە، تا ئێستا نەیانتوانیوە کۆچبەرەکان لە دوورگەکەدا بگوازنەوە..
ئەوەش دوای نقوومبوونی بەلەمێکی دیکەی کۆچبەران دێت، لە نزیک دوورگەی فۆلێگاندرۆس، لە ئەنجامدا لانیکەم سێ کۆچبەر گیانیان لەدەستدا.
