ئەنجومەنی بەڕێوەبردنی سندوقی خانەنشینی فەرمانی دەستبەکاربونی بۆ دەرچوو
وەزارەتی دارایی و ئابوری حکومەتی هەرێمی کوردستان رایگەیاند، وەزیرای دارایی و ئابوری، فەرمانی دەستبەکاربوونی بۆ ئەنجومەنی بەڕێوەبردنی سندوقی خانەنشینی دەرکردوە و ئەنجومەنەکە لە نۆ ئەندام پێکهاتووە.
بەگوێرەی نوسراوێک کە واژۆی ئاوات جەناب نوری، وەزیری دارایی و ئابوری لەسەرە تیایدا هاتووە، بەگوێرەی پەیڕەەوی ناوخۆی سندوقی خانەنشینی فەرمانبەرانی هەرێمی کوردستان ژمارەی 7ـی ساڵی 2020 و بەپێی ئەو دەسەڵاتانەی پێماندراوە بڕیاردرا بە پێکهێنانی ئەنجومەنی بەڕێوەبردنی سندوقی خانەنشنی.
ئەنجومەنی بەڕێوەبردنی سندوقی خانەنشنی لەچوار بەڕێوەبەری گشتی وەزارەتی دارایی، بەڕێوەبەرێکی گشتی لەوەزارەتی ناوخۆ و نوێنەرانی وەزارەتی پێشمەرگە، پلاندانان، ئەنجومەنی ئاسایش و بانکی ناوەندی عێراق-لقی هەرێمی کوردستان پێکدێت کە سەرجەمیان نۆ ئەندامن.
