ناوەڕۆکی کۆبونەوەی کازمی مەسرور بارزانی
لڤین:
ئەمڕۆ چوارشەممە سەرۆک وەزیرانی عێراق و شاندێکی سەربازی گەیشتنە هەولێر و لەلایەن مەسرور بارزانیەوە پێشوازیان لێکرا.
لە کۆبوونەوەیەکدا دوا پێشهات و گۆڕانکارییەکانی عێراق دوای هەڵبژاردنی ئەنجومەنی نوێنەران تاوتوێ کراو جەخت لە گرنگیی سەقامگیربوونی دۆخی عێراق وگەشەپێدانی بارودۆخی ئابووری و چارەسەرکردنی بنەڕەتی کێشە هەڵپەسێردراوەکانی نێوان هەرێمی کوردستان و حکومەتی فیدراڵی کرا.
لە تەوەرێکی دیکەی کۆبوونەوەکەدا، گفتوگۆ دەربارەی هێرش و پەلامارەکانی ئەم دواییەی چەکدارانی داعش و گرنگیی چڕکردنەوەی هەوڵ و تواناکان و بەهێزکردنی هەماهەنگیی نێوان پێشمەرگە و سوپای عێراق کرا.
