ئەمڕۆ ئەنجومەنی وەزیران لە بارەی دەرماڵەی خوێندکاران کۆدەبێتەوە

لڤین:

بڕیاره‌ ئه‌مڕۆ ئه‌نجومه‌نى وه‌زیرانى هه‌رێمى كوردستان كۆبوونه‌وه‌ى هه‌فتانه‌ى خۆی ‏ئه‌نجامبدات و له‌باره‌ى ده‌رماڵه‌ى خوێندكاران و خۆپیشاندانه‌كانه‌وه‌‌ گفتوگۆ بكات.‏

ئه‌مڕۆ چوارشەممە ئه‌نجومه‌نى وه‌زیرانى ‏هه‌رێم  كۆبوونه‌وه‌ى ئاسایی هه‌فتانه‌ی خۆی ئەنجام دەدات و بە گوێرەی ڕاگەیەندراوی تیمی گۆڕان لە حکومەت پرسى خۆپیشاندانەکانى خوێندکاران و ‏داواكاریی خەرجکردنەوەى دەرماڵەکانیان تاوتوێ دەكات.‏

بە گوێرەی وتەی وەزیرەکانی ئەو بزوتنەوەیە ئەمڕۆ ئەنجومەنى وەزیرانى ‏هەرێم لە بەرژەوەندیى خوێندکاران بڕیاردەدات.

لە سێ رۆژی رابردوودا له‌ زۆربه‌ى ناوچه‌كانى هه‌رێمى كوردستان خوێندكارانى زانكۆ و ‏په‌یمانگاكان خۆپیشاندانیان ئەنجامدا و دوو رۆژیش لە سەریەک ئاڵۆزی لە خۆپیشاندانی خویندکارانی سلێمانی دروستبوو.