بەشیر حەداد: نەموتووە بەرهەم ساڵح نابێتەوە سەرۆک کۆمار

 لڤین:

 بەشیر حەداد رەتیدەکاتەوە وتبێتی بەرهەم ساڵح پۆستی سەرۆک کۆماری عێراق وەرناگرێتەوە و دەڵێت هەندێک میدیا لێدوانەکەیان گۆڕیوە.

بەشیر حەداد، جێگری سەرۆکی پەرلەمانی عێراق کە ماوەکەی بەسەرچووە، ڕوونکردنەوەیەکی بڵاوکردەوە ورایگەیاند: لە لێدوانێكمان بۆ میدیایەکی عيراقى، ئاماژەمان بەوەدابوو کە به بۆچونی ئێمە ئەگەری ئەوە هەیە لە هەر سێ سەرۆکایەتییەکەی عێراقدا گۆڕانکاری بکرێت و کەسانی دیکەیان بۆ دیاری بکرێت.

حەداد دەشڵێت: سەبارەت بە سەرۆکایەتی کۆماریش ئاماژەمان بەوەداوە کە ئەو پۆستە مافی کوردە و دەبێت لە نێوان پارتی دیموکراتی کوردستان و یەکێتی نیشتمانی کوردستان دا کەسێكی بۆ دیاری بکرێت و ئەوەش تا ئێستا یەک لایی نەکراوەتەوە و کەسیشی بۆ دیاری نەکراوە، چونکە پێویستی بە رێکەوتن هەیە لە نێوان ئەو دوو هێزە سەرەکییە.

ئەو دەشڵێت: بەداخەوە ژمارەیەک میدیا و سۆشیاڵ میدیا بە بێ رەچاوکردنی کاری میدیایی، لێدوانەکەی بەندەیان بەجۆرێکی دیکە گواستەوە کە گوایە ئاماژەم بەوەداوە سەرۆکی کۆماری ئێستای عێراق ئەوە پۆستە وەرناگرێتەوە.

بابەتی پەیوەندیدار

Back to top button