وەزارەتی پێشمەرگە: دوو پێشمەرگەمان بریندارن
لڤین:
وەزارەتی پێشمەرگەی حکومەتی ھەرێمی کوردستان رایگەیاند بەهۆی هەورە بروسکەوە دوو پێشمەرگە بریندار بوون.
سەنتەری میدیای وەزارەتی پێشمەرگە بڵاویکردەوە شەوی ٢٩ لەسەر ٣٠ی ئۆکتۆبەری ٢٠٢١، لە سنوری ناحیەی تەق تەق، به‌هۆى بەرکەوتنی هه‌وره بروسكه دوو پێشمەرگە، کە لە ئەرکدا بوون برينداربوون.
وەزارەتەکە روونیکردووەتەوە، دوو پێشمەرگەکە لە ئێستادا باری تەندروستیان جێگیرە، لە نەخۆشخانەی تەق تەق چارەسەر وەردەگرن.
