سزای نوێی لەبارەی بڕینەوەی دار راگەیەندرا

لڤین:

سه‌رۆكایه‌تی شاره‌وانی سلێمانی، ئاگاداری هاوڵاتیان ده‌كه‌ینه‌وه‌، هه‌‌ركه‌‌سێك هه‌‌ستێت به‌‌ له‌‌ناوبردن و بڕینی دار له‌‌ ڕه‌‌گه‌‌وه‌‌ سزاده‌‌درێت ئه‌گه‌‌ر له‌‌ناو ماڵه‌‌كه‌‌ی خۆشیدابێت.

سه‌رۆكایه‌تی شاره‌وانی سلێمانی له‌ڕاگه‌یه‌ندراوێكدا، کە ئەمڕۆ ( چوارشەممە، ٢٧ی تشرینی یەکەمی ٢٠٢١ ) بڵاویکردوەتەوە، تێیدا هاتوە،” ماوه‌‌یه‌‌ كه‌‌ دیارده‌‌ی بڕینی دار و شكاندنی دار و دره‌‌خت زیادیكردوه‌‌ كه‌ ‌ئه‌‌مه‌‌ش ده‌‌بێته‌‌ هۆی تێكدانی ژینگه‌‌ و كه‌‌مكردنه‌‌وه‌‌ی رێژه‌ی سه‌‌وزایی”.

لەبەشێکی تری ڕاگەیەندراوەکەدا هاتوە،”سه‌‌رۆكایه‌‌تی شاره‌‌وانی سلێمانی چه‌‌ند رێنماییه‌‌كی هه‌‌یه‌‌ كه‌ ‌كاری پێكردوه‌‌، لەوانەش،هه‌‌ر هاوڵاتیه‌‌ك هه‌‌ستێت به‌‌بڕینی دارێك به‌‌ئه‌‌نقه‌‌ست، به‌‌مه‌‌به‌‌ستی بینا و هه‌‌رپرۆژه‌‌یه‌‌كی بازرگانی به‌‌پێی ته‌‌مه‌‌نی داره‌‌كه‌‌ سزاده‌‌درێت بۆ هه‌‌ر ساڵێك بە بری 350 هەزار دینار غه‌‌رامه‌‌ ده‌‌كرێت”.

ده‌قی رێنماییه‌كانی سه‌‌رۆكا‌یه‌‌تی شاره‌‌وانی سلێمانی:

یه‌كه‌م: هه‌‌ر هاوڵاتیه‌‌ك هه‌‌ستێت به‌‌بڕینی دارێك به‌‌ئه‌‌نقه‌‌ست، به‌‌مه‌‌به‌‌ستی بینا و هه‌‌رپرۆژه‌‌یه‌‌كی بازرگانی به‌‌پێی ته‌‌مه‌‌نی داره‌‌كه‌‌ سزاده‌‌درێت بۆ هه‌‌ر ساڵێك  بری  350.000 (سێسه‌‌د و په‌‌نجا هه‌‌زار) دینار‌ غه‌‌رامه‌‌ ده‌‌كرێت

دوه‌م: هه‌‌ر هاوڵاتیه‌‌ك هه‌‌ستێت به‌‌بڕینی دارێك به‌‌مه‌‌به‌‌ستی سوتاندن و به‌‌كارهینانی داره‌‌كه‌‌، له‌كاتێكدا ‌داره‌‌كه‌‌ له‌ ‌شوێنه‌‌ گشتیه‌كاندا بێت وه‌‌ك باخچه‌‌و پاركه‌كان، سزاده‌‌درێت  به‌‌بری 150.000 (سه‌‌د و په‌‌نجا هه‌‌زار) دینار بۆ هه‌‌رساڵێكی ته‌‌مه‌‌نی داره‌‌كه‌‌.

سێیه‌م: هه‌‌ر دره‌‌ختیك به‌‌ر نۆژنكردنه‌‌وه‌‌ و فراونكردنی هه‌‌ر دامه‌‌زراوه‌‌یه‌‌كی وه‌‌ك (بینای بازرگانی یان خانو یان كارگه‌‌) بكه‌وێت، ده‌‌بێت بۆ هه‌‌رساڵێكی ته‌‌مه‌‌نی داره‌‌كه‌‌ بری 150.000 (سه‌‌د و په‌‌نجا هه‌‌زار) یاخود 250.000 (دوسه‌د و په‌نجا هه‌زار) دینار قه‌‌ره‌‌بوی به‌‌ڕێوه‌‌به‌‌رایه‌‌تی باخچه‌‌كانی سلێمانی بكاته‌‌وه‌‌‌وه‌‌ یان ده‌‌توانیت هاوشێوه‌‌ی دره‌‌خته‌‌ ‌بڕاوه‌‌كان دار بڕوێنێته‌‌وه‌‌.

چواره‌م: له‌‌كاتی روودانی خۆپێداكێشانی ئۆتۆمبیل یان هه‌‌رهۆكارێكی تر كه‌ ‌نه‌‌خوازراوبێت، بۆ هه‌‌رساڵێكی ته‌‌مه‌‌نی  داره‌‌كه‌‌  100.000 (سه‌‌د هه‌‌زار ) دینار سزاده‌‌درێت.

Mhamed

• ساوث كوردستان وەڵامی قسەكانی پەرلەمانتارێكی پارتی دەداتەوە
• وەزارەتی دارایی بۆ چارەسەری کێشەی مامۆستایانی وانەبێژ چەند ڕێنماییەکی ڕاگەیاند
• حکومەتی هەرێم داشکاندن بۆ هاوڵاتیان دەکات لە دانەوەی قەرزی کارەبا
• ژووری ئۆپەراسیۆنی ئیدارەی گەرمیان چەند بڕیارێكی دەركرد