ئەمریکا ئیدانەی هێرشکردنە سەری کۆمسیۆنی هەڵبژاردن و نوێنەرایەتی نەتەوە یەکگرتووەکان لە عێراق دەکات
وەزارەتی دەرەوەی ئەمریکا ئیدانەی ھێرشەکان بۆ سەر نێردەی نەتەوە یەکگرتووەکان و کۆمسیۆنی ھەڵبژاردنەکان لە عێراق دەکات.
وەزارەتی دەرەوەی ئەمریکا لە ڕاگەیەندراوێکدا دەڵێت، پڕۆسەی ھەڵبژاردنی پێشوەخت لە عێراق بە ئارامی بەڕێوەچووە و دەرفەتێک بووە بۆ دەنگدەران تاوەکو بڕیار لەسەر داھاتووی وڵاتەکەیان بدەن. وتیشی پێشوازی لە ڕاگەیەندراوەکەی ئەنجومەنی ئاسایشی نێودەوڵەتی دەکەن سەبارەت بەو ھەڵبژاردنە.
ڕاشیگەیاندووە دەنگیان دەخەنە پاڵ کۆمەڵی نێودەوڵەتی لە ئیدانە کردنی ئەو توندوتیژییانەی بەرامبەر نێردەی نەتەوە یەکگرتووەکان لە عێراق و کۆمسیۆنی باڵای سەربەخۆی ھەڵبژاردنەکان ئەنجام دەدرێت، داواشی لە ھەموو لایەنەکان کرد ڕێز لە سەروەری یاسا و پاکی ھەڵبژاردنەکە بگرن.
