لەسەر بەرزبونەوەی نرخی سوتەمەنی پەرلەمان و وەزارەتی سامانەسروشتیەکان کۆدەبنەوە

جێگری سەرۆکی لیژنەی وزه‌ و سامانە سروشتیه‌كان و پیشه‌سازى و بازرگانی پەرلەمانی کوردستان رایگەیاند، داوامان کردوە یان وەزیری سامانە سروشتییەکان بێتە پەرلەمان، یان لیژنەکەیان سەردانی وەزارەت بکات لەسەر بەرزبونەوەی نرخی سوتەمەنی.

گوڵیزار عەلی بە دەنگی ئەمریکای رایگەیاند  “داوامان کردوە یان وەزیری سامانە سروشتییەکان بێتە پەرلەمان، یان لیژنەکەیان سەردانی وەزارەت بکات لەسەر بەرزبونەوەی نرخی سوتەمەنی و ئاگاداریش کراونەتەوە تا پێش کۆتایی هاتنی ئەمساڵ نەوتی سپی بەسەر هەمو ماڵێکدا دابەشدەکرێت”.

جێگری سەرۆکی لیژنەی وزه‌ و سامانە سروشتیه‌كان و پیشه‌سازى و بازرگانی پەرلەمانی کوردستان ئاماژەی بەوەشکرد “بۆ ئەوەش دابەشکردنی نەوت سەرەتا لە ناوچە شاخاوییەکانەوە دەست پێدەکات، دواتر گوندەکان و دەرەوەی شار، لە قۆناغی سێیەمیشدا نەوت بەسەر ناوەندی شارەکاندا جێ بەجێ دەکرێت، بۆ ئەمەش لیژنە پێکهێنراوە لە وەزارەتەوە بۆ دابەشکردنی نەوتی سپی و بەنزین”.

ئەو ئاماژەی بەوەشکرد “دەبێت وەزارەتی سامانە سروشتیەکان بۆ چارەسەری کێشەی بەنزین و سوتەمەنی گەرەنتیمان بداتێ و بۆ ئەم گرفتە دەبێت ڕاستەوخۆ لەگەڵ وەزیری سامانە سروشتییەکان دابنیشین و داوای چارەسەر بکەین “.

بابەتی پەیوەندیدار

Back to top button